Kartografia, 1.tailerra

0 ETAPA: DATUAK JASO

  Klasean, irakaslearen azalpenak entzun ondoren, taldeetan ipini gara bakoitzak gaiari eta egin beharrekoari buruz duen ikuspuntua eta ideiak partekatu ahal izateko. Eginbeharra kartografia bat da eta bertan, gaurkotasunean irakasle izatera iristeko zer nolako bidea egiten dugun  azaldu behar da, hau da, irakasle izateko nola ikasten dugun.

      Biltzean hitz egin genuen lehendabiziko gauza zer forma emango genion geure kartografiari eztabaidatu genuen, eta, hasieran, geure ideia bideo bat egitea zen guztien kartografiak bertan sartuta baino irakaslearekin kontsultatuta eta guztion artean hobeto pentsatuta, ideia hori alde batera uztea hobe zela pentsatu genuen. Azkenean, guztiok bat etorri ginen, argazkiak erabiliko genuela ebidentzien errepresentazio gisa. Geure bizitzan zeinekin, zer gauzekin… ikasi dugun pentsatu dugu eta zenbait ideia aipatu ditugu ( geuretzat garrantzia izan duten eta agian duten lekuak, pertsonekin harremanak, egunerokoan garrantzia duten gauzak… ). Nik, neure kartografian, hurrengo etapetan aipatuko dudan bezala, familian, lagunetan, nire herrian (batez ere oporretara joaten naizena), kirolean… oinarritu naiz.

         Pertsonalki, datuen bilketa interesgarria iruditu zitzaidan, argazki asko baititut neure bizitzan zehar ateratakoak, aita argazki zalea baita, eta hauei begirada bat ematea noizbait asko gustatzen zait. Beraz, erosoa izanda errazagoa ere egin zitzaidan eta berehala, banituen 6-7 argazki mahi gainean.

1 ETAPA: DATUAK ANALIZATU

                Behin bakoitzak bere argazkiak eta “materialaren” bilketa egina genuela, elkarrizketa bat mantendu genuen eta hauxe mugikorraren bitartez grabatu genuen. Elkarrizketa hau burutu ahal izateko, irakasleak galdera batzuk proposatu zizkigun, haiei erantzunez eztabaida eta ideien partekatzea sortzeko. Hala ere geure taldean behintzat elkarrizketa libreagoa izaten bukatu zuen eta puntu irekiago batzuetaz hitz egiten bukatu genuen, adibidez: ea nondik ikasten dugun gehien geure bizitzan zehar, eskolan edo familiarekin? Galdera honek eztabaida polita sortu zuen eta konklusio oso garrantzitsuak atera genituen.

            
        Ondoren aingerurekin bildu ginen eta konklusioez hitz egin genuen, bakoitzak pertsonalean nondik ikasi duen gehien bere bizitzan zehar eta zer ikuspegi duen eta gero oro har taldeak zer pentsatzen zuen ere laburtu genuen. Elkarrizketa hau ere mugikorraren bitartez grabatu genuen beste audio bat bezala.

                   Hona hemen audioaren linka: Ideien elkartrukea

2.ETAPA: DATUAK ANTOLATU

            

                   Hauxe izan da antolaketaren emaitza:

3 ETAPA: AURKIKUNTZAK AURKEZTU

        2. Etapan ikusi ahal izan duzuen bezala, fondo urdin argia erabili dut, izan ere, puntu alai hori eman nahi izan diot neure kartografiari, argitasuna era berean errepresentatuz. Gero, lau multzo nagusitan banatu dut: familia, lagunak, kirola eta Galizia eta haien erdian neure argazki bat jarri dut, izan ere, guzti horiek neure osagarriak dira gaur eguna naizena izateko. Hona hemen bakoitzaren azalpen labur bat:         

            
FAMILIA

       Nire ustez, hau da faktore garrantzitsuenetako bat, izan ere, familiatik ikasten ditugu balorerik garrantzitsuenak, txikitatik garatzen ditugunak eta geure buruetan esperientzia sortzen hasten direnak. Gainera, nire kasuan gurasoen, aitonen, osaben… parteko maitasunak sentsazio espezial bat sentitzea egiten dit eta horrek bihurtzen du faktore hain garrantzitsua, faktore nagusia hain zuzen.

           
 LAGUNAK

       Beste aldagai garrantzitsuenetako bat lagunak dira, eguneroko bizitzan pisu handia dutenak eta familiak erakusten ez dituen balore batzuk barneratzea ahalbidetzen duena (adiskidetasuna, familiatik kanpo maitasuna eta konpromisoa. Neure kasuan egunerokoan eta betikoak diren lagunez gain, udan joaten naizen herriko lagunei ere eskaini diet hutsune bat neure kartografian, izan ere, gauza oso garrantzitsuak erakutsi dizkidate (distantzian fideltasuna, maitasuna eta euskarria posible direla eta nahiz eta urrun egon jendea ez dela ahazten adibidez) eta 2.go familia bat bezala dira niretzat.

            
KIROLA

           
             Kirolari ere eskaini diot lekua, adierazteko pisua izan duela neuretzat, izan ere, jendeak uste du kirola sinpleki konpetentzia kontua dela edo, baino hori ez da inolaz ere zuzena. Kirola askoz haratago doa, pertsonetan influentzia handia du eta asko erakusten du, pertsonalki balore asko xurgatu ditut honetatik eta eskertzeko asko daukat, ez soilik zoriontasun aldetik edo gustuko dudalako, baizik eta balore adierazgarriak bereganatu ditudalako honi esker; konpromisoa, esfortzua, konstantzia, lana, laguntasuna, burua ez jaistea esaterako.

            
ESKOLA

            
         Honen inguruan eztabaida luzea eduki genuen audioa grabatzerakoan, eta bat egiten genuen esatean eskolak erakutsi erakusten duela baino pisu handiagoa duela familiak txikitatik transmititzen duena, edo lagunekin ikasten dena urteak pasa ahala, balio horiek garrantzitsuagoak direla bizitzan aurrera egiteko eta pertsona on bat izateko. Baita era ideia orokor bat zera izan zen, eskolan ikasten dena teorikoki ona dela baino praktika aldetik asko dagoela hobetzeko, izan ere, pentsatzen dut eta kasu honetan neure taldeak ere, praktikak izugarrizko garrantzia duela, eginez ikasten baita.

            
GAUR EGUN

        Kartografiaren erdian gaur egun neure bizitza zertan datzan laburtu dut bi irudirekin: magisteritzako unibertsitate eskola (magisteritza ikasten ari bainaiz) eta nire laneko kontratua (nire lehen lana, akademia batean ari naiz klaseak ematen). Gainera inguruan jarri ditudan argazki guztiak gezi batekin bi argazki hauetara lotu ditut, lehen aipatu bezala, hauek denak osatzen nautelako eta agur egun naizena osatzen dutelako.

                
             Kartografiatik kanpo utzi dudana ez du esan nahi garrantzitsua ez denik, baizik eta pisu gutziago eduki duela, baino aldi berean garrantzitsua da naizena izateko eta bereganatu dudana bereganatu ahal izateko (bidaiak esaterako).

                    
            Amaitzeko esan, neure irakasle perfila umeekin konektatzen duen irakasle baten perfila dela, pautak markatuta konfiantza ahalbidetuko duena, eta umeen mailan jarriko dena, ez irakasle bat besteen gainean dagoena. Gainera umearen ideien garapena eta bera gai izatea arazoei aurre egitea oso garrantzitsua iruditzen zait, haiei nolabait "kontrola emanik".